СЛУЖБА ИСПОЛНЕНИЯ НАКАЗАНИЙ ПРИ МИНИСТЕРСТВЕ ЮСТИЦИИ КЫРГЫЗСКОЙ РЕСПУБЛИКИ
телефон доверия
+(996) 312 43-11-77

Нурлан Курумшиев, No26 жатак абагынын жетекчисинин орун басары: “Кыргызстандын маданиятынын өнүгүшүнө ар бирибиз салым кошуубуз керек!”

Молдовановка айылында жайгашкан №26 - мекеменин жетекчисинин тарбия иштери жана режим боюнча орун басары, и/к майору Н.Б. Курумшиев баштаган делегация Т.Абдумомунов атындагы Кыргыз улуттук академиялык драма театрында болду.

КР Юстиция министрлигинин Жаза аткаруу кызматынын кызматкерлери театрдын жетекчилиги жана эмгек жамааты менен жолугушуп, аларды маданият кызматкерлеринин күнү менен куттукташты. Труппа Казакстанда өткөн абройлуу эл аралык фестивалда Гран-приге ээ болуп, “Саманчынын жолу” спектаклин тартуулаган.

No26 жатак абактын башчысы, и/к майору Рымбеков Кайраттын атынан алдыңкы артисттерге ЖАКнын Ардак грамоталары жана баалуу белектер тапшырылды.

Нурлан Барыктабасович театр элибиздин маданий турмушунун өзөгү экенин, аны актёрлор бүт дүйнөгө көрсөтүп жатканын белгиледи.

- Кыргызстандын маданиятынын өнүгүшүнө ар бирибиз салым кошуубуз керек деп эсептейм, - деп баса белгиледи Н.Курумшиев.

 

2022-11-14 10:16:19

поделиться в соц сетях