Профирлөө жана рецидивдин алдын алуу. ЖАМКнын мекемелеринде жүрүм-турумду талдоо ыкмалары

<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F2102404940283838%2F&show_text=true&width=267&t=0" width="267" height="591" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>

 

Кыргыз Республикасынын сот адилеттиги секторун колдоо долбоорунун алкагында «Пробация жана сот адилеттиги системасын өркүндөтүү жана санариптештирүү» темасындагы тренинг ЖАМКнын кызматкерлеринин катышуусунда өттү.

Тренингтин максаты — соттолгондор менен иш алып баруу, алардын жүрүм-турумун алдын ала болжоп, рецидивдерди азайтууга багытталган эффективдүү стратегияларды үйрөтүү.

Иш-чара 2 күнгө созулуп, теориялык жана практикалык сабактардан турат.

Биринчи күнү катышуучулар профайлингдин тарыхы, аны колдонуу боюнча этикалык принциптер жана аны колдонуу боюнча негиздер менен таанышып чыгышты.



Мындан тышкары, когнитивдик каталар тууралуу маалымат алынып, адамдын ой жүгүртүүсү анын жүрүм-турумуна кандайча таасир этери талкууланды. Тренингдин маанилүү бөлүгү болуп «7 радикал» методикасы болуп, ал катышуучуларга адамдардын жүрүм-турумун тереңирээк түшүнүүгө жардам берди.

Экинчи күнү тренингтин негизги темасы - невербалды жүрүм-турум, манипуляцияларды аныктоо жана психолингвистика болду. Ошондой эле, катышуучуларга социалдык маскалар жана жүрүм-турум профили боюнча тереңирээк маалымат берилди.

Тренинг ЖАМКнын кызматкерлерине өзгөчө мааниге ээ болду, анткени ал социалдык адаптация жана психо-социалдык реабилитациялоо процесстерин жакшыртуу үчүн керек болгон бардык тажрыйба жана билимдерди ачык көрсөттү.

Кызматкерлер тренингтен алган билимдери менен жаңы методикаларды иш жүзүндө колдонуу үчүн даяр экендиктерин билдиришти.

Тренинг Кыргыз Республикасынын пенитенциардык системасын ишмердүүлүгүн өркүндөтүү, коомдук коопсуздукту жогорулатуу жана соттолгондорду коомго кайра интеграциялоодо чоң роль ойной тургандыгын катышуучулар белгилешти.

Аталган иш-чара БУУнун БКБнын Бишкектеги Программалык Кеңсесинин колдоосу менен уюштурулду.

Пенитенциарные учреждения