ЖАМКнын кызматкерлери эл аралык мелдеште байгелүү орундарды багындырышты

Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын кызматкерлери баатырларды эскерүүгө арналган «Мен патриотмун» аттуу эл аралык турнирде ийгиликтүү катышып, байгелүү орундарды ээлешти.

Аталган турнир өз мамлекеттеринин аймактык бүтүндүгүн, эгемендүүлүгүн жана коопсуздугун коргоо жолунда курман болгон баатырлардын элесине арналды. Мелдешке Кыргыз Республикасы, Беларусь Республикасы, Россия Федерациясы, Казакстан Республикасы жана Өзбекстан Республикасынын спортчулары катышып, спорттук чеберчиликти жогорулатуу жана мамлекеттер аралык достук мамилелерди чыңдоо үчүн маанилүү аянтча болду.

Мелдештин жыйынтыгында ЖАМКнын кызматкерлери жогорку даярдыгын жана жеңишке болгон умтулуусун көрсөтүп, төмөнкүдөй ийгиликтерге жетишишти: 

Канат Жумалиев — 75 килограммга чейинки салмак категориясында I орун;  

Бактияр Тентиев — 65 килограммга чейинки салмак категориясында II орун;  

Эмир Жалилов — 80 килограммга чейинки салмак категориясында III орун;  

Бейшеналы уулу Адилет — 70 килограммга чейинки салмак категориясында III орун.

ЖАМКнын кызматкерлеринин бул жетишкендиги алардын кесипкөйлүгүн, туруктуулугун жана мекенчилдик духун дагы бир жолу тастыктады.

Жазаларды аткаруу мамлекеттик кызматы жеңүүчүлөрдү жана байге ээлерин куттуктап, аларга кызматтык ишмердүүлүгүндө жана спорттук карьерасында мындан аркы ийгиликтерди, жаңы жеңиштерди каалайт.

Пенитенциарные учреждения