"Психологиялык колдоо: ЖАМКнын кызматкерлери стрессти башкаруу көндүмдөрүн өздөштүрүүнү улантууда"

Психологиялык абалды бекемдетүү жана кызматтык ишмердүүлүктүн натыйжалуулугун жогорулатуу максатында Жазаларды аткаруу мамлекеттик кызматынын (ЖАМК) Психология жана Реабилитациялык иш бөлүмүнүн (ПжРИБ) психологдору  Борбордук Аппараттын жана мекемелердин кызматкерлери үчүн тренинг уюштурушту. Иш-чаранын негизги темасы  «Стресстен арылуу жана кызмат ордунда ресурстук калыбына келүү».

Тренинг өзүн-өзү башкарууну  өнүктүрүүгө, кесиптик жана эмоционалдык чарчоонун деңгээлин төмөндөтүүгө, ошондой эле чыңалуу шарттарында стресске туруктуулукту жогорулатууга багытталган.

Катышуучулар стресстин пайда болуу механизмдери тууралуу практикалык билим алышып, атайын көнүгүүлөр менен энергияны аз убакытта калыбына келтирүүнүн ыкмаларын үйрөнүштү. Мындан тышкары, дем алуу көнүгүүлөрү жана денеге багытталган релаксация техникасы, ошондой эле күч келген шартта өзүнө психологиялык жардам көрсөтүүнүн негизги ыкмалары сунушталды.

Практикалык бөлүгү аң-сезимдүүлүктү, эмоционалдык туруктуулукту жана ички ресурсту өнүктүрүүгө багытталган жекече жана топтук көнүгүүлөрдү камтыды. Өзгөчө көңүл кесиптик натыйжалуулукту жана ички тең салмактуулукту сактоонун маанилүү факторлорунун бири катары эмоционалдык интелектти өнүктүрүүгө мүмкүнчүлүк түзө алды.

Тренингдин соңунда катышуучулар өткөрүлгөн иш-чаранын актуалдуулугун жана практикалык пайдалуулугун жогору баалап, уюштуруучуларга пайдалуу сунуштарга ыраазычылыгын билдиришти.

ПжРИБ психологдору мындай иш-чараларды системалуу негизде өткөрүп, психологиялык жактан дени сак болууга жана туруктуу кесиптик чөйрөнү калыптандырууга өбөлгө түзөөрүн белгилешти.

Пенитенциарные учреждения