Экинчи Континенталдык онлайн-чемпионат ФИДЕнин соттолгондор арасындагы шахмат боюнча турнири старт алды

«Шахматтар – эркиндик үчүн» глобалдык демилгесинин алкагында соттолгон адамдар арасында Эл аралык шахмат федерациясынын FIDE экинчи Континенталдык онлайн-чемпионаты старт алды. Бул масштабдуу эл аралык иш-чара төрт континенттин пенитенциардык системаларынан келген командаларды бириктирип, интеллектуалдык спортту өнүктүрүүгө, ошондой эле катышуучулардын кайра социалдашуу жана коомго адаптация болуу процессине өбөлгө түзүүдө.

Кыргыз Республикасы Азия регионалдык этабында өзүнүн катышуучуларын расмий түрдө сунуштады. Алдын ала тандоо турларынын жыйынтыгы боюнча өлкөнүн намысын төмөнкү командалар коргойт:

• Эркектер курама командасы — №8 мекеме
• Аялдар курама командасы — аялдардын түзөтүү мекемеси
• Жаштар курама командасы — тарбиялоочу мекемеси (20 жашка чейинки катышуучулар)

Оюндар онлайн форматта Chess.com платформасында өтүүдө. Катышуучулар 10 мүнөт + ар бир жүрүшкө 5 секунд кошумча убакыт берилген тез шахмат боюнча күч сынашууда.

Мелдештер катышуучулардын санына жараша тегерек система же швейцариялык система боюнча өткөрүлөт. Бул формат бардык командалар үчүн бирдей шарт түзүп, атаандаштыкты жогорку деңгээлде камсыздайт.

«Шахматтар – эркиндик үчүн» долбоору дүйнө жүзүндөгү жабык мекемелерде шахматты билим, тартип жана позитивдүү социалдык өзгөрүүнүн куралы катары бекемдөөнү улантууда.

Пенитенциарные учреждения